Fluturakja misterioze iraniane (Video)

20:59 / 3.02.2013

Irani ia paraqiti opinionit publik fluturaken misterioze për të cilën thonë se fjala është për një aeroplan të “padukshëm”. Ajo është prezantuar në kuadër të festimeve që shënojnë revolucionin islamik të vitit 1979.

Lajmin për këtë fluturake e ka publikuar agjencia shtetërore iraniane. Fjala është për aeroplanin Qaher F-313. Se për çfarë fluturake është fjala, ende nuk dihet qartë.

Ka spekulime se mund të jetë një aeroplan ushtarak, i ngjashëm me F22 të prodhimit amerikan, apo për fluturake pa pilot. Mediat e huaja në raportet e tyre theksojnë mundësinë se mund të jetë fjala për një blof iranian, pra se para publikut paraqitet një makete jofunksionale.

Në ndërkohë, Ministri i Jashtëm iranian, Ali Ekber Salihi, tha se vendi i tij është i gatshëm të negociojë direkt me Shtetet e Bashkuara të Amerikës për programin bërthamor iranian.

Gjatë fjalimit në një nga panelet e Konferencës së 49-të të Sigurisë në Munih, bisedimet e presidentit të Iranit me zëvendëspresidentin amerikan Joe Biden i ka cilësuar si “një hap në të ardhmen."

"Ne jemi të gatshëm për negociata. Nuk kemi asnjë pengesë për këtë", tha Salihi, duke shtuar se "Irani ka ndërmarrë hapa në të kaluarën, porse pala tjetër ka dështuar të përmbushë detyrimet e saja".

Ai theksoi se pavarësia politike është prioritet kryesor i këtij vendi dhe se Irani nuk do të tërhiqet nga negociatat mbi programin e tij bërthamor.

Duke iu referuar luftës civile në Siri, Salihi ka thënë se të dyja palët në këtë vend bëjnë gabime, porse duhet të ndalet gjakderdhja. Ai tha se koha do të tregojë se kush në Siri kishte të drejtë e kush jo. /Telegrafi/ 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.