Fryma e Re kërkon dorëheqjen e Xhemajlit

20:10 / 26.11.2010

Partia Fryma e Re konsideron se sundimi i së drejtës është parakusht i zhvillimeve pozitive në Kosovë dhe se në sistemet demokratike, politikanët dhe liderët politikë prijnë si shembuj të llogaridhënies dhe përgjegjësisë morale e politike- thuhet në një deklaratë për media të kësaj partie.

“Pas shqiptimit të dënimit për z. Bajrush Xhemajli nga gjykata në Prishtinë, Fryma e Re kërkon dorëheqjen e kryetarit Xhemajli nga posti i kryetarit të Ferizajt. Pavarësisht se z. Xhemajli ka paralajmëruar ankesën dhe se aktvendimi nuk është i plotfuqishëm derisa të shqyrtohet nga Gjykata Supreme e Kosovës, ai është dënuar për vepër penale, e cila ka rezultuar në marrjen e një jete të një të riu dhe Fryma e Re e konsideron si akt moral dorëheqjen pa e pritur vendimin e shkallës së dytë”, thuhet në deklaratë.

Po ashtu, FER ka thirrur për zbatim të ligjit dhe përgjegjësi publike, sidomos kundrejt vendimit të Gjykatave të Kosovës, si institucione të pavarura. Njëherit, kjo parti beson në një shoqëri, ku të gjithë qytetarët janë të barabartë para ligjit. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.