FSK-ja ndërtoi urën mobile mbi lumin Drin

18:59 / 1.07.2013

Në aksin rrugor Klinë-Gjakovë, sot është inauguruar ura provizore mbi lumin Drin në fshatin Rakovinë të Gjakovës, të cilën e ndërtuan pjesëtarët e Forcës së Sigurisë së Kosovës.

Ministri i FSK-së, Agim Çeku, i ka përgëzuar pjesëtarët e FSK-së, të cilët e kanë bërë një punë të mirë me ndërtimin e urës e cila ka përfunduar disa ditë para afatit të caktuar.

“FSK, e bëri edhe një punë të mirë, i ndihmoj autoriteteve civile në këtë rast komunën e Gjakovës, që t’i japin zgjidhje problemit që i ka munduar ata por edhe qytetarët e tyre në vendosjen e kësaj ure të përkohshme”, është shprehur Çeku.

Ministri, gjithashtu ka shtuar se i mbetet Ministrisë së Infrastrukturës që brenda këtij viti ta rregullojë urën e prishur. Ai u shpreh i lumtur që FSK-ja, ka dëshmuar se mund t’u vij në ndihmë qytetarëve të Kosovës dhe kushdo që ka nevojë për ndihmë.

“Me këtë urë FSK-ja, dëshmoi edhe një herë që ka pajisje, ka përvojë, ka ekspertizë, ka njohuri vullnet përkushtim që gjithmonë tu vije në ndihmë autoriteteve civile qytetarëve të Kosovës dhe kushdo që ka nevojë”, ka thënë Çeku, transmeton Kosovapress.

Ndërkaq, Zejnullah Prokshi, nga FSK-ja, ka shpjeguar se si është ndërtuar ura dhe çfarë standard ka.

“Kjo urë për herë të parë është qitur nga pjesëtarët e FSK-së. Është e gjatë 55 metra e gjerë 5 metra. Pas vërshimeve të 18 marsit kemi dalë në vendin e ngjarjes për vlerësimin e situatës. Kemi vërejtur se mesi i urësaktuale, ka lëvizur dhe shtylla bregore është dëmtuar dhe janë rrezikuar pjesëtarët”, ka thënë Prokshi.

Edhe një banor i këtij fshati, Selman Kelmendi, ka thënë se tani po ecën rehat mbi urën e re. Sipas tij kjo urë i lidh më shkurt rrugët për Gjakovë, Junik e Deçan.

“Është dashur që të shkojmë ka Xerxa për me shku në Gjakovë, e tash del këtu shkurt edhe shkon në Prishtinë e ku të duash. E tani këndej është lidhur Gjakova, Juniku, Deçani”, tha Kelmendi.

Për tu vërtetuar se ura është e sigurt për të mbajtur pesha të rënda, së pari kaloi një kamion i FSK-së.

Ndryshe, nga data 14 mars e këtij viti, ura mbi lumin Drin, u dëmtua nga prurjet e mëdha të ujërave. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.