Fyle: Votimi i tri ligjeve kusht për Shqipërinë

21:38 / 30.01.2013

Shqipëria duhet të votojë tri ligjet e kërkuara nga BE-ja dhe të kapërcejë problemet, deklaroi Komisionari i Zgjerimit në BE, Stefan Fyle gjatë një konference për Ballkanin Perëndimor në Parlamentin Evropian.

Duke folur për progresin e arritur nga vendet ballkanike si Serbia, Maqedonia, Kosova, Fyle tha se raporti për to do të publikohet në muajin prill, ndërsa për Shqipërinë tha se ky raport nuk do të ekzistojnë fare nëse ajo nuk përmbush detyrat e dhëna nga BE-ja.

“Nëse forcat politike shqiptare do të arrijnë të përmbushin çështjet e mbetura pezull me Brukselin, atëherë do ketë edhe për këtë vend një relacion”, tha diplomati evropian.

Nëse Tirana nuk do të arrijë progresin e kërkuar, do ishte një tjetër mundësi e çuar dëm, tha Fyle.

“Do jetë për të ardhur keq nëse tri pikat (tri ligjet) e kërkuara nga Komisioni Evropian nuk do të votoheshin”, tha Fyle. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.