GGD mirëpret vendimin e Kushtetueses për rastin e Diana Kastratit

19:29 / 26.02.2013

Grupi i Grave Deputete në Kuvendin e Republikës së Kosovës ka mirëpritur vendimin e Gjykatës Kushtetuese në rastin Gezim dhe Makfire Kastrati kundër Republikës së Kosovës.

Në këtë vendim, konstatohet edhe njëherë se institucionet e Kosovës nuk i kanë siguruar mbrojtje të ndjerës Diana Kastrati, e cila ishte vrarë brutalisht në mes të Prishtinës në maj të vitit 2011.

Vrasja e Dianës ka dëshmuar edhe njëherë sa i brishtë është sistemi gjyqësor në vend dhe se ka dështuar në mbrojtjen e qytetarëve. Po ashtu, ka dëshmuar se dukuria e dhunës në familje mbetet shqetësim jashtëzakonisht i madh në Kosovë, thuhet në kumtesën e Grupit të Grave Deputete (GGD).

GGD thekson edhe një herë se drejtësia do të vihet në vend vetëm kur vrasësi i Diana Kastratit të merr dënimin e merituar për këtë vrasje me paramendim. Është po ashtu shumë shqetësuese që përkundër vrasjes mizore të Dianës, kujdestaria ndaj fëmijës së saj i është dhënë prindërve të vrasësit.

Grupi i Grave Deputete solidarizohet me prindërit e Diana Kastratit dhe me shumë familje të tjera që kanë përjetuar humbje të tilla. Lufta ndaj dukurisë së dhunës në familje nuk guxon të mbetet vetëm në nivel deklarativ por duhet të merren hapa konkret dhe urgjentë që kjo dukuri të luftohet në praktikë, thuhet në deklaratën e GGD. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.