Gjejnë drogën në banesë, pranga dy femrave

9:50 / 27.12.2012

Policia e Sanremos arrestoi disa ditë më parë gjashtë persona, pjesë të një organizatë kriminale shqiptare që trafikonte drogë në Itali. Një pjesë e drogës është gjetur e fshehur brenda një okllaie.

Ky send ishte lënë në sedijen e një makine “Jaguar” ngjyrë jeshile, parkuar në qendër të Sanremos. Automjeti drejtohej nga shqiptari Xhani Gjonaj, raporton BalkanWeb.

Pyetjeve të policëve shqiptari u është përgjigjur me nervozizëm dhe kjo ka ngjallur dyshime. Kjo ka bërë që policia ta shoqëronte shqiptarin për në banesën e tij, për të bërë kontroll.

Me t’ju afruar banesës, Gjonaj i alarmuar ka filluar të ulërijë për të lajmëruar bashkëpunëtorët që ishin e ëma, i ati dhe dy femra të tjera.

Në shtëpinë e tyre u gjet 1 kg heroinë e pastër me vlerë 200 mijë euro dhe disa qindra gramë kokainë e marijuanë.

Droga ishte e sapoardhur nga Milano dhe ishte e destinuar për shpërndarje në të gjithë zonën, veçanërisht për rastin e festave të fundvitit.

Mediat italiane shkruajnë se dy nga femrat shqiptare të arrestuara, kanë pasur një sjellje sfiduese ndaj policisë, duke buzëqeshur e pozuar teksa fotografoheshin. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.