Gjendet i vrarë një gjuetar nga Peja

20:48 / 6.02.2013

Enver Camaj nga fshati Novosellë e Pejës është gjetur i vrarë në një fushë në fshatin Brestovik, të enjten në mëngjes. Pranë tij është gjetur dhe një pushkë gjuetie.

Nënstacioni Policor në Vitomiricë, të enjten rreth orës 09:55, është njoftuar se në fshatin Brestovik, komuna Pejë, përkatësisht pas pompës së derivateve “Petrol Company” në një fushë në largësi rreth 200 m, është gjetur i shtrirë dhe pa shenja jete një person.

Burime të Gazetës Jeta në Kosovë nga policia bëjnë të ditur se i vrari është Enver Camaj. Ai merrej me gjueti dhe ishte pronar i restorantit “Antika” në Novosellë të Pejës.

Xhevat Ibraj, zëdhënës i Policisë Rajonale në Pejë, ka bërë të ditur se njësitet dhe hetuesit e policisë kanë dalë në vendngjarje, dhe nën mbikëqyrje të Prokurorit te çështjes, kanë filluar këqyrjen e vendit të ngjarjes për të mbledhur prova dhe dëshmi lidhur me rast.

“Viktima kishte një plagë, të cilën dyshohet te ketë marrë nga arma e zjarrit. Po ashtu, afër viktimës hetuesit kanë gjetur edhe një armë gjuetie e cila, do te ekzaminohet”, njoftohet në një komunikatë të policisë.

Një mjek ka konfirmuar vdekjen e 52-vjeçarit. Me vendim të prokurorit, trupi i pajetë i viktimës është dërguar për obduksion ne Institutin e Mjekësisë Ligjore në Prishtinë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.