Gjendja shëndetësore e Arbër Xhaferit, ende e rëndë
Ish-kryetari i PDSH-së, Arbër Xhaferi vazhdon të jetë në gjendje të rëndë shëndetësore dhe pa përmirësime. Një zyrtar i PDSH-së deklaroi për INA se Xhaferi vazhdon të jetë në gjendje kome dhe se po luten për përmirësimin e gjendjes së tij shëndetësore, i cili tash katër ditë po qëndron i shtrirë në Spitalin Klinik të Shkupit.
Xhaferi javën e kaluar pësoi gjakderdhje në tru, me ç`rast në gjendje kome u gjet nga një i afërm në banesën e tij në Tetovë.
Arbër Xhaferi së fundi po përballej edhe me sëmundjen e Parkinsonit. /Telegrafi/
