Gjirokastër, sekuestrohen 220 kg kanabis

9:24 / 23.12.2012

Policia e Gjirokastrës ka sekuestruar 220 kg kanabis në një aksion të zhvilluar në orët e para të ditës së sotme, ndërsa ka shpallur në kërkim transportuesin e lëndës narkotike.

“Specialistët e Sektorit Kundër Narkotikëve në Drejtorinë e Policisë së Qarkut Gjirokastër rreth orës 01.30 të mëngjesit të sotëm kanë marrë informacion në rrugë operative se një sasi lënde narkotike do transportohej nga Lazarati në drejtim të Fierit e më pas për destinacion përfundimtar Italinë”, thuhet në njoftimin e policisë.

Rreth orës 01.50 , Specialistët e Sektorit Kundër Narkotikëve në Drejtorinë e Policisë së Qarkut Gjirokastër, mësohet se kanë konstatuar se në aksin rrugor Kordhocë –Gjirokastër po lëvizte me shpejtësi një automjet tip Benz me targa falso GJ 4868A, dhe xhamat i kishte të zinj (të riveshur ), siç sqaron policia.

Specialistët e Sektorit Kundër Narkotikëve në Drejtorinë e Policisë së Qarkut Gjirokastër së bashku me dy efektivë të qarkullimit rrugor i kanë dalë para automjetit për ta ndaluar, por drejtuesi i automjetit nuk ka ndaluar por është larguar me shpejtësi në drejtim të Gjirokastrës duke rrezikuar jetën e punonjësve të policisë që tentuan ta ndalonin, transmeton BW.

Policia është vënë në ndjekje të automjetit që dyshohej se transportonte lëndë narkotike. Drejtuesi i automjetit në hyrje të qytetit Gjirokastër ka devijuar rrugën nacionale duke u futur në një rrugë të brendshme të qytetit në drejtim të lagjes Zinxhira, ku është futur në mes të disa magazinave në dhe ka braktisur mjetin duke u larguar me shpejtësi. Ai ka përfituar nga mjegulla e dendur dhe errësira .

Në ndjekje të autorit janë vënë Specialistët e Sektorit Kundër Narkotikëve në Drejtorinë e Policisë së Qarkut Gjirokastër si dhe efektivë të Komisariatit të Policisë Gjirokastër por nuk është bërë e mundur kapja e autorit. Nga këqyrja që iu bë automjetit tip Benz me targa Gj 4868 A, rezultoi se drejtuesi i automjetit i kishte hequr ulëset e pasme si dhe ndarjen midis bagazhit dhe ulëseve të pasme. Në bagazh dhe në pjesën ku vendoset ulësja e pasme u gjetën 48 pako të mëdha të mbështjella me letër natriban me peshë nga 3.5 deri në 5.9 kilogramë secila gjithsej 220.2 kilogramë marihuanë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.