Gjirokastër, sekuestrohen 33 kg drogë
Policia e Gjirokastrës ka sekuestruar në pikën kufitare të Kakavijës 33 kg lëndë narkotike, e dyshuar si marihuanë. Lënda narkotike është gjetur e fshehur në gomën rezervë të një kamioni, që shërbente për transport mallrash të ndryshme nga Greqia në Shqipëri.Policia bën të ditur se ka arrestuar 36-vjeçarin Gentian Govaçi nga Gjirokastra, i cili drejtonte kamionin trajler “Skania” , me targë AA 372 AD , ku u gjet lënda narkotike, transmeton BalkanWeb.
Grupi hetimor si dhe Specialistët e Sektorit Kundër Narkotikëve në Drejtorinë e Policisë së Qarkut Gjirokastër evidentuan drogën, e ndarë në 22 pako të mbështjella me letër natriban, me forma të ndryshme.
Sipas policisë, lënda narkotike është blerë në fshatin Lazarat, me qëllim trafikimin e saj drejt kryeqytetit grek, Athinë.
Gjirokastriti 36-vjeçar akuzohet për veprën penale të “Trafikut ndërkombëtar të lëndëve narkotike”. /Telegrafi/
