Gjithçka gati për Epopenë e UÇK-së
Epopeja e Ushtrisë Çlirimtare të Kosovës edhe këtë vit do të mbahet nën patronatin e Kryeministrit të Kosovës, Hashim Thaçi dhe do të fillojë nga data 5 mars, duke vazhduar edhe për dy ditë të tjera. Përgjithësisht edhe agjenda nuk ndryshon nga ajo e viteve të mëparshme.Duke iu referuar pohimeve nga zyrtarë të Ministrisë së FSK-së, në ditën e parë, më datën 5 mars, njësite të FSK-së do të parakalojnë në kazermën “Adem Jashari’ në Prishtinë. Këtë ditë organizohet edhe një koncert me këngëtarët më të njohur të estradës derisa në gjithë këtë ceremoni pritet të jenë të pranishëm zyrtarë të lartë vendor e ndërkombëtar.
Më 6 mars, në Ditën e të rënëve, do të bëhen homazhe në varrezat e dëshmorëve në Prekaz dhe varreza të vendeve të tjera.
Po në këtë ditë, në orën 18:00, në Prishtinë do të organizohet Akademi Përkujtimore me rastin këtyre datave të rëndësishme të historisë më të re të Kosovës.
Më 7 mars, manifestimi Epopeja e Ushtrisë Çlirimtare të Kosovës, përmbyllet me ndezjen e zjarreve në Prekaz, ceremoni e cila fillon në orën 17:45. /Telegrafi/
