Grabovci për përgjimet: Hajgare mes shokëve

9:32 / 12.12.2012

Kryetari i Grupit parlamentar të Partisë Demokratike të Kosovës ka thënë se të gjitha ato që janë dëgjuar nga përgjimet më shumë kanë qenë hjagare mes shokëve, ndërsa sipas tij, qëllimi i publikimit të përgjimeve ka qenë përçarja.

Ai ka thënë se qëllimi i publikimit të përgjimeve ka qenë përçarja, ndërsa analistët kanë paralajmëruar pasoja, shkruan “Kosova Sot”.

“Të gjitha ato që shihen se më shumë kanë qenë hajgare në mes të shokëve. Madje Samiu vetë e ka atë fjalor dhe këtë e dimë të gjithë, edhe Jakupi edhe të gjithë sepse të gjithë qeshin me të dhe askush nuk i idhnohet”, ka thënë Grabovci.

Mirëpo, analistët politikë shprehin dyshimet se kjo aferë nuk mund të kalon aq lehtë pa pasur ndikim negativ, pasi PDK-ja është në proces zgjedhor.

“Nga këto pak bisedime është e vështirë të konkludohet nëse fjalët e thëna për kolegët në parti kanë qenë vërtetë dashakeqe apo jo. Por, nëse janë të vërteta “fjalët e çarshisë” se ka edhe incizime tjera e që do të publikohen ndërkohë, dhe nëse këto sjellin përmbajtje tjera më inkriminuese, atëherë mund të priten pasoja tjera, ndoshta edhe më të mëdha në raport me partinë brenda, por edhe në raportin e partisë me votuesit”, ka thënë për “Kosova Sot”, analisti Ardian Arifaj.

Për analistin politik, Belul Beqaj, është shumë interesante se si është bërë reagimi ndaj këtyre përgjimeve.

“Përgjimet do t’i vlerësoja si pashembullta, sikur të mos kishte reaguar Qeveria se ato ishin të montuara dhe të paqena. Mjerisht, Qeveria deshi një të vërtetë ta shndërroj në rrenë dhe një rrenë të bërë të vërtetë! Këtë e demantoi EULEX-i, atëherë parashtrohet pyetja se pse një gabim të zyrtarëve dëshirohet për të mbuluar me një gabim edhe më të madh?!”, tha ai. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.