Grekët kërcënojnë regjisorin shqiptar: Këtu do të bëhet varri yt
Shfaqja e regjisorit shqiptar Laert Vasili, ka hasur në protesta të forta të ekstremistëve grekë dhe anëtarëve të grupimit “Agimi i Arte”. Laert Vasili është një prej artistëve shqiptarë që jeton dhe punon në Greqi. Më 4 tetor kishte planifikuar vënien në skenë të dramës “Corpus Chris”, në teatrin “Hitiro”, në qendër të Athinës.
Ekstremistët e “Agimit të Artë” kanë kundërshtuar me forcë vënien në skenë të shfaqjes, e cila sipas tyre sulmon Krishtin. Me argumentin se shfaqja sulmon ndjenjat fetare, disa protestues janë mbledhur para teatrit dhe kanë kërkuar anulimin e saj. Ndërsa kanë hedhur dhe parulla kundër regjisorit.
“Shqiptar, këtu do të bëhet varri yt”, ishin thirrjet protestuesve, transmeton NOA.
Regjizori Vasili u shpreh se reagimi ishte i pakuptimtë. Ai deklaroi për mediat se shfaqja ka të bëjë me jetën e një fëmije, Joshua, që nga lindja e tij, vitet e tij të shkollës dhe rritja kur dhe ai hyn në një grup të njerëzve që e zgjedhin atë si lider. Sipas tij, shfaqja nuk denigron dhe nuk sulmon askënd. /Telegrafi/
