Grubjesic: Ndarja e Kosovës nuk është më e mundur
Ndarja e Kosovës është një vendim racional, por nuk është i mundur më, sepse këtë nuk e lejojnë ata që vendosin: SHBA-të dhe bashkësia ndërkombëtare, ka thënë zëvendëskryeministrja e Serbisë për çështje të integrimeve evropiane, Suzana Grubjesic.“Edhe partia ime ka kohë që flet se është e nevojshme ndarja e Kosovës, por këtë e kundërshtojnë shtetet më të fuqishme. Kjo ka mundur të ndodhë para 5-6 vitesh, sepse në marrëdhëniet ndërkombëtare kishte një klimë të tillë. Por, atëherë kemi thënë: si të ndajmë diçka që është e jona. Nuk kemi menduar në aspektin afatgjatë, nuk është menduar në mënyrë racionale”, ka thënë ajo për B92.
Grubjesic ka theksuar Qeveria e Serbisë, si ajo e mëparshmja, nuk do ta njohë pavarësinë e Kosovës, por se Serbia duhet të futet në profesionin e normalizimit të marrëdhënieve me Kosovën.
“Jo vetëm për ne dhe se ndryshe nuk lejohet vazhdimi i integrimit evropian ashtu si do donim, por edhe për shkak të njerëzve që jetojnë atje poshtë”, ka shtuar ajo. /Telegrafi/
