Haziri: Kosova e gatshme për MSA-në

14:34 / 12.06.2013

Deputeti i Lidhjes Demokratike të Kosovës në një prononcim për Telegrafin ka deklaruar se Këshilli i Ministrave në Samitin e liderëve pritet që të konfirmoj vendimin e dy dhjetorit të vitit të kaluar për hapjen e negociatave për Marrëveshjen e Stabilizim Asocimit (MSA) me Kosovën.

Ai ka theksuar se pritja për hapjen e negociatave për MSA-në me Kosovën ka qenë e kushtëzuar me rezultatet të cilat do t’i japë marrëveshja për normalizimin e marrëdhënieve Kosovë–Serbi, e cila sipas tij, nga ana e Kosovës është realizuar në tërësi.

“Kosova nuk mund të jetë më peng i zbatimit të marrëveshjes sepse njëanshëm e ka filluar realizimin e detyrave të cilat kanë dalë nga kjo marrëveshje”, tha ai për Telegrafin.

Sipas tij, për Serbinë ende vlen kushti i Bundestagut dhe kancelares gjermane Merkel, për implementimin e pjesës së marrëveshjes Prishtinë–Beograd që kërkon shpërbërjen e strukturave paralele, duke shtuar se Kosova në asnjë mënyrë nuk do të duhej që të lidhej më këtë kusht sepse ky është kusht për Serbinë dhe jo për Kosovën.

Haziri beson që më 28 qershor shtetet anëtare të BE-së, do të votojnë pro rekomandimit të Komisionit Evropian (KE) për hapjen e negociatave për MSA-në me Kosovën, përkundër mundësisë që Kosova edhe më tutje të jetë e lidhur me kushtin gjerman për Serbinë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.