Hoxhaj: Progresi në Kosovë, është konkret!

19:55 / 20.12.2012

Ministri i Punëve të Jashtme i Republikës së Kosovës, Enver Hoxhaj, ka pritur në takim eurodeputetin slloven, Alojz Peterle.

Hoxhaj ka falënderuar eurodeputetin për mbështetjen që Sllovenia dhe Parlamenti Evropian po japin për Kosovën.

“Ky progres është i matshëm, i krahasueshëm dhe konkret, ashtu siç kërkon edhe vet studimi i fizibilitetit. Ajo që ka ndodhur gjatë këtij viti, por edhe në pesë vjetët e fundit prej shpalljes së pavarësisë, tregon se Kosova është transformuar në një shtet dhe shoqëri demokratike, multietnike dhe evropiane”, ka thënë Hoxhaj, duke shtuar se pas largimit të mbikëqyrjes ndërkombëtare, agjenda e vetme e Kosovës është integrimi evropian.

Peterle, ka vlerësuar progresin e arritur në Kosovë, thuhet në një kumtesë të MPJ-së,duke shprehur mbështetjen e mëtutjeshme për Kosovën. Ai theksoi se Sllovenia do të vazhdojë të jetë zë i fuqishëm në përkrahje të Kosovës drejt zhvillimit dhe proceseve integruese në mekanizmat e Bashkimit Evropian. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.