Hoxhic: Të na mbrojë policia

20:16 / 26.02.2013

Organet e sigurisë duhet ta gjejnë “çelësin e suksesit” për t’i mbrojtur punëtorët e Zyrës Administrative në veri të Mitrovicës, për shkak se masat e deritashme nuk po tregojnë sukses, ka vlerësuar shefja e këtij institucioni, Adrijana Hoxhic.

Në një prononcim për Telegrafin, Hoxhic ka thënë se policia ka theksuar se i ka ngritur masat e sigurisë, por, sipas saj, në të njëjtën kohë sulmet janë shtuar.

Ajo ka deklaruar se sulmi që ndodhi sot ndaj një punëtori të Zyrës Administrative i ka shqetësuar shumë banorët e Mitrovicës, sidomos punëtorët e institucionit që ajo drejton, të cilët po bëhen cak i sulmeve.

“Angazhimi jonë premton që të ketë ndryshime pozitive për në pjesën veriore të Kosovës, dhe kjo duket se është duke i penguar dikujt”, ka thënë Hoxhic.

Në dhjetor të vitit të kaluar ishte plagosur zëvendësdrejtori i Zyrës Administrative në veri, Dusan Milisavlevic, që është sulmi i dytë ndaj tij.

Ka vlerësime planet për transformimin e strukturave paralele në veri të Kosovës po i radikalizojnë elementet kriminale në këtë pjesë të Kosovës, e cila kontrollohet nga struktura të mbështetura nga Beogradi. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.