I harrojnë kërcënimet, vazhdojnë dialogun

9:28 / 2.12.2012

Serbia nuk do të braktisë procesin e bisedimeve për shkak të vendimit të fundit të Tribunalit të Hagës. Kryeministri i Serbisë, Ivica Dacic, duke paralajmëruar pjesëmarrjen në raundin e ri të dialogut, ka lënë të kuptohet se bisedimet do të vazhdonin edhe nëse përballë do ta kishte Ramush Haradinajn. Thaçi dhe Dacic pritet të takohen të martën.

Zyrtarët e lartë të Serbisë nuk do ta braktisin procesin e dialogut për shkak të lirimit të Ramush Haradinajt nga Tribunali i Hagës.

Disa ditë para se të merrej vendimi për ish - Kryeministrin e Kosovës, Serbia kishte bërë presion kundër lirimit të tij, madje duke paralajmëruar edhe mundësinë e largimit nga bisedimet.

Por, zyrtarët e shtetit serb nuk e kanë ndërmend që t’i mbajnë zotimet që ia ka dhënë Baroneshës Catherine Ashton, e cila po ndërmjetëson procesin e normalizimit të marrëdhënieve Kosovë – Serbi.

Kështu, Ivica Dacic ka paralajmëruar pjesëmarrjen e tij në raundin e ri të bisedimeve, që pritet të zhvillohet javën e ardhshme, shkruan Express.

Gjatë takimeve mes Hashim Thaçit dhe Ivica Dacic, që është paralajmëruar për të martën, në rend të ditës do të jetë zbatimi i Marrëveshjes për Menaxhimin e Integruar të Kufirit.

Dacic madje nuk e ka problem nëse si bashkëbisedues do ta ketë edhe Ramush Haradinajn

“Në interes të Serbisë është vazhdimi i dialogut. Nuk jemi në situatë të zgjedhim me kë do të bisedojmë”, ka thënë ai. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.