I zhgënjeu Pacolli, shpresojnë në Thaçin

18:29 / 5.02.2013

Në Partinë Socialdemokrate të Kosovës (PSDK) janë duke pritur tekstin e marrëveshjes për koalicionin e nënshkruar ndërmjet presidentit të AKR-së, Behgjet Pacolli dhe ish-kryetarit të PSDK-së, Agim Çeku, i cili ka kaluar në radhët e PDK-së. Nënkryetarja e PSDK-së, Kaçusha Jashari, ka deklaruar se anëtarët e Kryesisë nuk e kanë parë asnjëherë këtë marrëveshje, prandaj po presin që ta shohin për ta qartësuar faktin nëse aty është përcaktuar që një ministri i takon kësaj partie.

Jashari ka shpjeguar për Telegrafin janë duke kërkuar dokumentin e marrëveshjes nga AKR-ja, por deri tash nuk kanë parë gatishmëri për të bashkëpunuar për këtë çështje.

“Shpresojmë se të paktën PDK-ja do të jetë më parimore dhe të bashkëpunojë për çështjet që na preokupojnë neve lidhur me ministrinë që vlerësojmë se na takon”, ka thënë Jashari.

Ajo shpjegon se deri tash nuk ka pasur mundësi që të diskutojnë me krerët e Ekzekutivit, për shkak të procesit të zgjedhjeve të brendshme në PDK dhe diskutimeve rreth një marrëveshje bashkëqeverisjeje me AAK-në.

Pas qartësimit të këtyre zhvillimeve, Jashari beson se do të sqarohet edhe kërkesa e tyre për të marrë një ministri, pas kalimit në PDK të Agim Çekut, i cili drejton Ministrinë e Forcës së Sigurisë së Kosovës.

Në anën tjetër, presidenti i AKR-së, Behgjet Pacolli e ka bërë të qartë se partia që ai drejton nuk heq dorë nga ministria që i takonte Çekut.

Këto zhvillime kanë bërë që të prishet marrëveshja ndërmjet PSDK-së dhe AKR-së për të funksionuar së bashku në kuadër të Koalicionit për Kosovën e Re. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.