Indi: Vajza e përdhunuar trajtohet në Singapor

9:25 / 27.12.2012

Vajza e cila është përdhunuar në një autobus të qytetit në New Delhi ka arritur në Singapor për tretman të mëtutjeshme.

Një deklaratë e lëshuar gjatë të enjtes nga Spitali i Singapor-it thuhet se gruaja u dërgua nga Delhi gjatë natës dhe se është pranuar në një “gjendje tejet kritike”.

Zyrtarë të këtij spitali janë cituar të kenë thënë se, 23 vjeçarja kërkon trajtim të specializuar dhe mund të ketë nevojë edhe për një transplantim të organeve, raporton Rel.

Dhunimi i kësaj vajze i kryer mbi një autobus të qytetit ka bërë që një numër i madh i njerëzve të marrin pjesë në protesta të dhunshme në New Delhi dhe pjesë të tjera të Indisë.

Si rezultat i përleshjeve në mes të protestuesve dhe organeve të rendit, ka vdekur një polic. Ndërsa, gjashtë persona janë arrestuar me dyshimin e përfshirjes në sulm. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.