Irani instalon centrifuga të reja
Irani ka bërë të ditur se ka filluar instalimin e centrifugave të reja për pasurimin e uraniumit në objektin Natanz, mirëpo sipas zyrtarëve iranian centrifugat do të përdoren për të pasuruar uranium në nivel të ulët.Njoftimi vjen përkrah vizitës së një delegacioni të Agjencisë Ndërkombëtare për Energji Bërthamore në Teheran, i cili po negocion mundësitë për inspektim të objekteve bërthamore të republikës islamike, transmetojnë mediat.
Por, vëzhguesit druajnë se makinat mund të përshpejtojnë aktivitetin bërthamor të Iranit. Perëndimi dyshon se Irani punon në krijimin e armës atomike, andaj edhe ka miratuar një varg sanksionesh kundër tij.
Zyrtarët iranianë hedhin poshtë akuzat. /Telegrafi/
