Ish komandanti i UÇPMB-së: Faleminderit Serbi!

19:01 / 20.01.2013

Sot është ditë historike për Luginë e Preshevës. Për këtë duhet ta falënderoj shtetin e Serbisë. Lugina e Preshevës nga sot do të jetë pjesë përbërëse e Kosovës, respektivisht e Shqipërisë.

Kështu e ka komentuar heqjen e lapidarit të UÇPMB-së, Orhan Rexhepi, ish komandant i UÇPMB-së, në një intervistë dhënë të përditshmes serbe Kurir, i cili kishte arritur para ndërtesës së Komunës disa minuta pasi që pjesëtarët e xhandarmerisë serbe u larguan.

Ai ka thënë se do të vinte edhe më herët, sepse jeton vetëm rreth 200 metra larg lapidarit, por nuk ishte lejuar.

“Kishte gjithandej pjesëtarë të xhandarmerisë. Dje e kam ditur se do ta rrënojnë. Në fakt, mbrëmë, kur u publikua lajmi i rrejshëm se paskemi pranuar që ta largojmë vetë”, ka thënë Rexhepi, transmeton Zëri.

Ai ka thënë se tashmë dihen hapat që do t’i ndërmarrin shqiptarët.

“Ekzistojnë kuvendet e delegatëve të shqiptarëve të Preshevës, Bujanocit e Medvegjës. Ekzistojnë rregullore të këtyre kuvendeve. Të gjithë delegatët e kanë dorën e djathtë të cilën mund ta ngritin dhe të votojnë”, ka thënë ai.

Ndërkaq, ai ka theksuar se kësaj radhe do të merren vendimet në mënyrë paqësore, pasi që, siç është shprehur ai, “unë njëherë e mora pushkën dhe nuk ka më arsye që ta bëjë të njëjtën gjë sërish”. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.