Ismajli zëvendëson Beqajn?

9:55 / 26.03.2013

Pas shumë e shumë zvarritjesh më në fund kryeministri i Kosovës, Hashim Thaçi, dhe zëvendësi i parë i tij Behgjet Pacolli janë dakorduar që brenda kësaj jave të ketë ndryshime të mundshme në Qeverinë e Kosovës.

Burime të “Zërit” të afërta me këtë takim, kanë bërë të ditur se Ministria e Zhvillimit Ekonomik do të udhëhiqet nga Fadil Ismaili, aktualisht drejtor i KOSTT-it.

“Besim Beqaj, që aktualisht mban pozicionin e ministrit të Zhvillimit Ekonomik, pritet të kalojë në pozitën vakante të ministrit të Financave për t’ia liruar zyrën Fadil Ismajlit, kandidat i AKR-së për postin e ministrit të Zhvillimit Ekonomik”, ka thënë burimi në fjalë.

Ndërkaq, po sipas këtij burimi, ministri Besim Beqaj do ta lëshojë këtë ministri pasi që është identifikuar si fajtori kryesor për mosrealizimin apo dështimin e projekteve kryesore ekonomike në vend, si shitja e 75 për qind të aksioneve të operatorit “Vala”, si dhe bërjen realitet të ndërtimit të kapaciteteve të Termocentralit “Kosova e Re”.

Po ashtu mësohet se kryeministri Thaçi është i pakënaqur me performancën e ministrit Beqaj gjatë gjithë kohës se tij si ministër.

Ndërkaq zëdhënësi i Partisë Demokratike të Kosovës, Blerand Stavileci, ka thënë që nuk është në dijeni për një gjë të tillë.

“Nuk e di. Nuk ka diçka zyrtare. Gjithçka është e mundshme mirëpo unë nuk kam informacione të tilla”, ka thënë shkurt Stavileci.
Ndërsa për këtë çështje nuk është deklaruar as i apostrofuari për ministër, Fadil Ismajli. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.