Itali, arrestohen 4 shqiptarë, u kapën me 15 kg heroinë

19:00 / 30.01.2013

Policia italiane ka sekuestruar sot në portin e Brindizit 15 kilogram heroinë, ndërsa ka vënë në pranga 5 persona, mes tyre 4 shtetas shqiptarë.

Lajmi bëhet i ditur nga mediat italiane, sipas të cilave sqarohet se personi i pestë i arrestuar është një italian i identifikuar si Teodoro Di Lauro, i njohur si person me precedentë penalë.

Mësohet se lënda narkotike ka mbërritur në portin e Brindizit me një barkë peshkatarësh shqiptarë, transmeton BW.

Policia e Brindizit ka deklaruar se kjo është sasia më e madhe e heroinës e konfiskuar në këtë zonë gjatë viteve të fundit.

Emrat e shqiptarëve të arrestuar nuk janë bërë ende të ditur, ndërkohë që forcat e policisë thanë se bashkë me heroinën kanë sekuestruar edhe një pistoletë, që mbahej nga këta persona ilegalisht. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.