Izraeli do ta sulmojë Iranin më 1 tetor?

Kjo sasi është e mjaftueshme për të prodhuar dy apo katër ‘superbomba’, për t'i montuar në raketat e reja ‘Shahab3’ dhe për t’i lëshuar më larg se 1300 km, deri në shkretëtirën Negev apo në centralin bërthamor të Dimones, ku shteti hebraik ka prodhuar arsenalin e tij të fshehte”, shkruan “National Inteligence Estimate”, transmeton Top Channel.

Ështe kjo vetëm një strategji për të ushtruar presion ndaj perëndimit apo ekziston frika se zgjedhjet presidenciale në Shtetet e Bashkuara janë një pengesë për një zgjidhje ushtarake me Iranin, mbetet të shihet. Sinjalet e deritanishme janë kontradiktore. Shefi i Shtabit të Ushtrisë, Benny Gantz, parashikon “front të shumëfishtë”. Por vetëm 35 për qind e opinionit publik përkrah sulmin pa mbështetjen e domosdoshme politiko-ushtarake të Shteteve të Bashkuara.

Nëse zyrtarëve izraelitë do t’i bëhej një pyetje, se çfarë do të ndodhte ditën tjetër pas sulmit, përgjigja do të ishte e njëjte; Shtetet e Bashkuara nuk janë dhe në këtë rast pasojat do të ishin të frikshme Më shumë se 500 të vdekur, të paktën siç parashikon ministri izraelit i Mbrojtjes, Ehud Barak.

E po njësoj do të pergjigjeshin edhe diplomatët amerikanë. Nëse Izraeli godet përpara 6 nëntorit (kur mbahen zgjedhjet presidenciale në Amerikë), ata parashikojnë që presidenti amerikan, Barack Obama, në fund të fushatës zgjedhore, nuk mund të mos i qëndrojë në krah kryeministrit Benjamin Netanjahu.

Dhe për këtë presionet e Washingtonit janë të mëdha. Për të arritur reaktorët bërthamore të Mahmoud Ahmadinejadit, janë tre korridore ajrore, por njeri po mbyllet, ai i Arabise Saudite, që megjithëse dy vjet më parë i kishte vënë në dispozicion, por tani rimendon. Madje paralajmeron izraelitet që nuk do të lejojë fluturime pa “zgjidhje te miratuara”. /Telegrafi/