Jacobson të enjten ia nis punës
Ambasadorja e re e SHBA-së në Prishtinë, Tracey Jacobson do t’ia dorëzojë të enjten letrat kredenciale Presidentes Jahjaga. Në një video-incizim, ditë më parë Jacobson ka thënë se mezi pret të nisë punën për të forcuar demokracinë në Kosovë. Ajo në mesditë do t’ia dërgojë letrat kredenciale Presidentes Jahjaga.
“Presidentja e Republikës së Kosovës, Atifete Jahjaga pret në takim (e enjte, ora 11.30) Ambasadoren e re të Shteteve të Bashkuara të Amerikës në Kosovë, Tracey Jacobson, e cila do t’i dorëzojë letrat kredenciale”, thuhet në njoftimin e Presidencës dërguar mediave, të mërkurën.
Zyra e Presidentes Jahjaga ka njoftuar që pas takimi Jahjaga dhe Jacobson do të lexojnë vetëm deklarata para mediave.
“Pas takimit, do të ketë vetëm deklarata për media”, thuhet në kumtesë.
“Misioni im do të vazhdojë të jetë ai i një partneri të fuqishëm, në përpjekjet e Kosovës për forcimin e demokracisë shumetnike dhe për të ndërtuar një ekonomi të suksesshme drejt rrugës evropiane”, ka thënë para disa dite Jacobson. /Telegrafi/
