“Der Spiegel”: “Agimi i Artë” ka lidhje me neonazistët bavarezë

19:13 / 5.02.2013

Revista gjermane “Der Spiegel” zbulon se partia neonaziste “Agimi i Artë” ka lidhje me neonazistët në Bavari, zonë që sipas revistës, konsiderohet “djepi i rilindjes së nazizmit”.

Ndërkohë që Agimi i Artë ka hapur tashmë një degë në Nuremberg, gjë që u kundërshtua me forcë nga komuniteti i emigrantëve grekë në Gjermani, revista e njohur shkruan se “shërbimi sekret gjerman është në dijeni të lidhjeve mes neonazistëve dhe autoritetet shohin me shqetësim lëvizjet e ‘Agimit të Artë’”, transmeton "Balkanweb".

“’Agimi i Artë’ ka fituar kontakte të ngushta me neonazistët gjermanë në Bavari dhe shërbimet e inteligjencës të shtetit ndjekin me interes lëvizjet e kreut të partisë Nikos Mihaloliakos”, thuhet në shkrimin e prestigjiozes gjermane.

Përfaqësuesi i Zyrës Federale për Mbrojtjen e Kushtetutës i tha revistës se "’Agimi i Artë’ ka një rrjet ndërkombëtar kontaktesh, të cilat janë forcuar përmes vizitave reciproke dhe takimeve në Evropë".

Sondazhi më i ri i zhvilluar në Greqi, e rendit partinë “Agimi i Artë” në vend të tretë me 10 pwr qind, ndërsa retorika e tij ka shqetësuar së fundi edhe strukturat evropiane. Para disa ditësh komisioneri për të drejtat e njeriut në Këshillin e Evropës, Nils Muiznieks kërkoi që kjo parti të dalë jashtë ligjit dhe të mos përfaqësohet në zgjedhjet e ardhshme. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.