Jahjaga fillimisht do të takojë Van Rompuy

22:16 / 5.02.2013

Presidentja e Kosovës, Atifete Jahjaga, së bashku me delegacionin që e shoqëron ka mbërritur në Bruksel ku gjatë ditës së mërkurë pritet të zhvillojë disa takime zyrtare.

Jahjaga nis takimet në selinë e Këshillit të BE-së, me presidentin Herman Van Rompuy, për të vijuar me takimin në Selinë e NATO-s në Bruksel me Sekretarin e Përgjithshëm, Anders Fogh Rassmussen, transmeton TCH.

Por, takimi kryesor për të cilin ndodhet në Bruksel, ai me Presidentin e Serbisë, Tomislav Nikolic, i lajmëruar me kohë nga ndërmjetësuesja Catherine Ashton, pritet të zhvillohet pasditen e së mërkurës.

Takimi i parë në nivel presidentësh organizohet në mbështetje të dialogut të nisur mes kryeministrave Thaçi dhe Dacic, për normalizmimin e marrëdhënieve mes Kosovës dhe Serbisë sipas Prishtinës zyrtare, e mes Prishtinës dhe Beogradit sipas Serbisë dhe BE-së, e cila numëron ende pesë vende anëtare që nuk e njohin pavarësinë e Kosovës. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.