Jahjaga ngushëlloi Josipovicin
Me rastin e vdekjes së kryetarit të Parlamentit të Republikës së Kroacisë, Boris Shprem, presidentja e Kosovës, Atifete Jahjaga i ka dërguar telegram ngushëllimi homologut të saj kroat, Ivo Josipovic.“Me pikëllim të thellë morëm lajmin për vdekjen e kryetarit të Parlamentit të Republikës së Kroacisë, Boris Shprem, një njeriu me virtyte të larta dhe luftëtari të madh për demokracinë”, thuhet në telegramin e presidentes.
Më tej në telegram thuhet se “vdekja e tij është një humbje e madhe për Kroacinë, për parlamentarizmin e këtij vendi dhe në radhë të parë për familjen e tij”.
“Në emër të popullit të Republikë së Kosovës, të institucioneve të tij dhe në emrin tim personal ju shpreh ngushëllimet më të sinqerta. Ngushëllimet më të thella për familjen Shprem dhe në këto çaste të rënda për ju jemi bashkë me ju”, thuhet në telegramin e ngushëllimit. /Telegrafi/
