Jahjaga takoi Rupert Neudeck

15:06 / 14.12.2012

Presidentja e Republikës së Kosovës, Atifete Jahjaga, priti të premten themeluesin e organizatës humanitare gjermane Cap Anamur, Rupert Neudeck, i cili shoqërohej nga ambasadori i Republikës së Kosovës në Gjermani, Skender Xhakaliu.

Presidentja Jahjaga falënderoi Neudeck për mbështetjen dhe ndihmën humanitare ofruar popullit të Kosovës në kohërat e tyre më të vështira gjatë dhe pas luftës.

Duke e quajtur Neudeck një mik të madh të Kosovës, Jahjaga tha se solidariteti i lartë njerëzor dhe përkushtimi i tij për të ofruar kushte elementare të jetesës, ndryshoi jetët e shumë qytetarëve të Kosovës.

Presidentja Jahjaga njoftoi atë për përcaktimin e qytetarëve dhe të institucioneve të Kosovës për të ndërtuar një shtet demokratik e ligjor, si kontribuues i paqes dhe stabilitetit në rajon.

Më tej ajo njoftoi Neudeck për përparimin që shteti i Kosovës ka bërë që nga mbarimi i luftës, duke ndërtuar institucionet shtetërore dhe duke krijuar kushtet që të gjitha komunitetet të gëzojnë të drejta dhe liri të barabarta, të garantuara me Kushtetutën e vendit.

Sipas kumtesës së Presidencës, Neudeck shprehu lidhjen e ngushtë që e ka për popullin dhe shtetin e Kosovës. Ai theksoi se populli dhe shteti gjerman është mik dhe partner i shtetit të Kosovës, i përkushtuar që të mbështes rrugën e Kosovës drejtë integrimit evropian.

Ai e përgëzoi presidenten Jahjaga për progresin që Republika e Kosovës ka bërë në ofrimin e të drejtave dhe lirive të barabarta për të gjitha komunitetet që jetojnë në vend, duke e cilësuar Kosovën si shembull i garantimit të të drejtave dhe të lirive të minoriteteve për rajonin por edhe për Evropën. /Telegrafi/


 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.