Jahjaga u kthye nga vizita zyrtare në EBA
Presidentja e Republikës së Kosovës, zonja Atifete Jahjaga u kthye nga vizita zyrtare në Emiratet e Bashkuara Arabe, ku mori pjesë në Konferencën e Pestë Ndërkombëtare për Energjinë, “World Future Energy Summit”, që u mbajt nën patronazhin e Princit të Abu Dabit, Sheikh Mohammed bin Zayed Al Nahyan.Jahjaga pati takime edhe me Presidentin e Francës, Francois Hollande, me Mbretëreshën Rania Al Abudllah të Mbretërisë Hashemite të Jordanisë, si dhe pati një takim me kryeministrin e Republikës së Malit të Zi, Milo Djukanovic.
Presidentja e Republikës së Kosovës po ashtu mori pjesë në ndarjen e çmimeve “Zayed future energy prize”, duke ia lënë nderin që të ndajë njërin nga këto shpërblime, si dhe vizitoi Centralin e energjisë solare në Shamsi. /Telegrafi/
