Jahjaga vlerëson sukseset e FSK-së
Presidentja e Kosovës, Atifete Jahjaga ka pritur sot, në një takim të rregullt Komandantin e Forcës së Sigurisë të Kosovës, gjenerallejtënant Kadri Kastrati, me të cilin biseduan për aktivitet e zhvilluara gjatë këtij muaji në FSKGjenerallejtënant Kadri Kastrati gjatë takimit të sotëm e informoi gjerësisht presidenten e Kosovës, Atifete Jahjaga për aktivitet e përgjithshme që po i realizon Forca e Sigurisë së Kosovës e sidomos operacionet e deminimit, intervenimet e EOD-së, kërkim-shpëtimit, të MKABK-së. Ndërsa theks të veçantë gjeneral Kastrati i kushtoi ushtrimit të FSK-së jashtë Kosovës, siç ishte zbarkimi i FSK-së në Poligonin ushtarak në Krivollak të Maqedonisë, pastaj Rishikimi strategjik i sektorit të sigurisë, Ndërtimi i kapaciteteve të SAR-it dhe EOD-it..
Gjeneral Kastrati e njoftoi presidenten edhe për realizimin e shumë projekteve në Kosovë, pastaj, për vizitat zyrtare në Washington, IOWA, Shqipëri. Ai gjithashtu e informoi presidenten Jahjaga, për Konferencën, “Karta e Adriatikut” e cila do të mbahet në muajin tetor, në Tiranë, përgatitjet për Ditën e FSK-së dhe pjesëmarrjen e FSK-së, në shënimin jubilar të 100 vjetorit të pavarësisë së Shqipërisë, thuhet në njoftimin e lëshuar nga Forca e Sigurisë së Kosovës.
Presidentja Jahjaga ka vlerësuar lart arritjet e Forcës së Sigurisë së Kosovës në të gjitha drejtimet dhe njëherësh ritheksoi gjithë mbështetjen e saj, për FSK-në, në përmbushjen e të gjitha objektivave të përgjithshme.
Ky ishte një takim i rregullt që komandanti i FSK-së i raporton Presidentes. /Telegrafi/
