Jankullovska: Nuk do të lejojmë shqetësimin e opinionit
Policia nuk do të lejojë paraqitjen e grupeve të cilët do ta shqetësojnë opinionin, tha ministrja e Punëve të Brendshme të Maqedonisë Gordana Jankullovska, pas incidentit të fundit në Vinicë. Ajo theksoi se Ministria e Punëve të Brendshme (MPB) me kohë reagoi dhe në mënyrë adekuate janë ngritur padi për ngjarjen. Ministrja Jankullovska tha se atje janë bërë ndryshime serioze kadrovike dhe në kuadër të stacionit policor lokal, por edhe në kuadër të Sektorit të Punëve të Brendshme.
“Është evident zvogëlimi i kriminalitetit në kuptim të ngjarjeve të cilat janë nga radhët e prishje së qetësisë dhe rendit publik, që në bazë ishte edhe njëri nga problemet më të mëdha në të kaluarën, megjithatë ajo nuk e përjashton mundësinë përsëri të ndodhë ndonjë ngjarje, që është obligim i yni ta zbardhim.
Është ndriçuar ngjarja konkrete dhe ne do të vazhdojmë të reagojmë në mënyrën më të ashpër në rastet e këtilla, për shkak se aksioni ‘Detonator’ kishte për qëllim ta eliminojë në njëfarë mënyre grupin kriminel i cili tani është nxjerrë para gjyqit dhe ajo lëndë është në fazën e gjykimit”, theksoi Jankullovska pas nënshkrimit të Memorandumit për bashkëpunim me Fakultetin për shkenca informatike dhe inxhinieri kompjuterike në Shkup. /Telegrafi/
