“Serbisë do t’i duhet ta pranojë pavarësinë e Kosovës”

9:50 / 18.02.2013

Deputetja e Parlamentit të Francës, Danielle Auroi ka thënë se Serbisë do t’i duhet ta pranojë pavarësinë e Kosovës, në të kundërtën ambicia e saj për t’u pranuar në BE mund të mbetet vetëm dëshirë e saj.

Sipas saj kërkesa për pranim të Kosovës nuk është në letër, por gojarisht ajo është bërë.

“Rrethi Kosovë secilën herë po forcohet rreth Serbisë. Në momentin derisa vazhdojnë bisedimet në kuadrin e dialogut me Prishtinën, arrijnë presione nga shtete të cilat kanë pranuar pavarësinë e Kosovës”, ka thënë Auroi për mediat serbe, duke shtuar se pa pranimin e ndërsjellë, në fund të rrugës evropiane, nga pranimi i Serbisë në BE nuk do të ketë asgjë.

“Mendoj që të gjithë kemi vullnet ta ndihmojmë Serbinë që të përmbush të gjitha kriteret. E vërteta, këto kritere pak janë të komplikuara dhe të numërta, por besojë që Franca, aleat historik i Serbisë, ka rol që këtë proces ta lehtësojë”, ka thënë kryetarja e Këshillit për Punë Evropiane në Parlamentin e Francës, transmeton KP.

E pyetur nga gazetarët serbë nëse praktikisht do të kërkohet nga Serbia që të heq dorë nga një pjesë e territorit të saj, Oroa ka thënë se qëndrime të tilla burojnë nga këndvështrimi i Serbisë. “Sa mua më është e ditur, ky nuk është qëndrim i Kosovës. Franca dhe Gjermania mjaftë gjatë kanë luftuar për një pjesë të tokës e cila quhet Alzas dhe Lorena. Tani përfaqësuesit të Bundestagut dhe komisionit të cilin e kryesojë, shkojnë bashkë në Beograd”, ka thënë ajo.

Sipas saj, ajo që është me e rëndësishmja është ajo që tani banorët e kësaj toke, në fund kanë dhënë qëndrimin e tyre.

“Mendoj që banorët e Kosovës, gjithashtu kanë dhënë mendimin e tyre. Kjo nuk është kështu, pse e them unë, kusht i shkruar, por nuk do të ketë hyrje as të Serbisë, as të Kosovës në BE deri atëherë kur në tërësi nuk pajtoheni dhe derisa dy vendet nuk e pranojnë në mënyrë të qartë njëra-tjetrën. Më duket se Serbia në këto momente dhe në këtë aspekt është duke ndërmarrë mjaftë hapa”, ka potencuar ajo.

Në vërejtjen që një kërkesë e këtillë nuk është në detyrimet e përcaktuara nga Brukseli për Serbinë, Auroi ka thënë se nuk është e shkruar, por është e thënë gojarisht. “Nuk shoh mundësi se si BE do të mund ta pranojë një shtet i cili nuk ka pranuar një shtet tjetër”, ka thënë ajo. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.