Jep dorëheqjen ministri i Jashtëm australian

Dorëheqja është njoftuar përmes një konference shtypi nga Washingtoni, ku ai ishte takuar më parë me sekretaren amerikane të shtetit, Hillary Clinton.

Javët e fundit janë shoqëruar me përplasje dhe tensione mes tij dhe kryeministres, që lidhen me drejtimin e Partisë së Punës në këtë vend.

Rudd kishte drejtuar Australinë si kryeministër dy vjet më parë, por zonja Gillard - e cila drejtonte partinë - e kishte shkarkuar atë në qershor të vitit 2010.

“E vërteta e thjeshtë është se unë nuk mund të vazhdoj të shërbej më si ministër i Jashtëm, përderisa nuk e kam më mbështetjen e kryeministres”. /Telegrafi/