Ka pasur ndërhyrje në selektimin e veteranëve të UÇK-së

16:55 / 13.02.2013

Komisioni për verifikimin e veteranëve të UÇK-së, pranon ndërhyrjet në procesin e verifikimit të aplikuesve për të fituar statusin e veteranit të luftës.

Kreu i komisionit Agim Çeku ka pohuar se procesi i selektimit ka pasur ndërhyrje të vogla. Megjithatë sipas tij ato janë të izoluara duke u shprehur i bindur se në fund manipulimet nuk do të ketë, transmeton KTV.

Por sipas Çekut nëse një gjë e tillë ndodh atëherë janë përgjegjësit të cilët do të përgjigjen për veprat e tyre penale nëse bëjnë padrejtësi gjatë aplikacionit.

Kryetari Çeku ka shtuar se nëse përgjegjësit e luftës mendojnë se listat të cilat kanë ekzistuar deri më tani do të merren për bazë kanë gabuar ngase sipas tij asnjë nuk është relevante dhe fjalën e tij siç ka thënë përfundimtare do ta jep komisioni për tri kategoritë e dala nga lufta.

Ndërsa ka sqaruar edhe njëherë se edhe pjesëtarët të FARK-ut do të hynë në kategorinë për të cilën pretendojnë se kanë kontribuuar gjatë luftës. Çeku ka shtuar se nuk do të ndërhyjë për t’i bindur veteranët të cilët kanë heqë dorë në marrjen pjesë të pesë vjetorit të pavarësisë.

Duke folur për Këshillin Drejtues të PDK –së është shprehur i kënaqur me votat e marra ndërkaq nuk pret ndonjë pozitë në Kryesinë e re të kësaj partie. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.