Kacin përshëndet vendimin e Serbisë për fusnotën
Raportuesi për Serbinë në Parlamentin Evropian, Jelko Kacin, ka përshëndetur vendimin e qeverisë serbe për pjesëmarrjen në takimet rajonale ku ëhstë e pranishme edhe Kosova, dhe ka thënë se me këtë Beogradi ka dërguar një porosi pozitive në rajon dhe në Evropë.“Përshëndes instruksionet e Qeverisë së Serbisë përmes të cilave mundësohet zbatimi i marrëveshjes mes Prishtinës e Beogradit në pjesëmarrjen në takimet rajonale”, thuhet në njoftimin e Kacinit.
Ai ka thënë se vetizolimi i Serbisë dhe përmbajtja nga marrja pjesë në disa takime rajonale vetëm sa i ka sjellë dëm klimës ekonomike e politike të Serbisë dhe rajonit.
Sipas udhëzimit të nxjerrë të dielën në Beograd, është pranuar që Kosova, në tubimet rajonale, të prezantohet në mënyrë asimetrike, ku në të gjitha dokumentet përcjellëse do të qëndrojë fusnota, por që nuk është e obligueshme të qëndrojë në tabelë para përfaqësuesit kosovar. /Telegrafi/
