Kapen 180 kg hashash në kufirin Shqipëri – Greqi
Policia greke gjatë një operacioni antidrogë ka bërë të mundur sekuestrimin e 180 kg lëndë narkotike, të llojit hashash në kufirin shqiptaro-grek ,në afërsi të Filatit Igumenicë. Gjatë një kontrolli rutinor të ndërmarrë nga efektivët greke në pikën kufitare, një automjet nuk i është bindur urdhrit të ndalesës.Ka mjaftuar kjo, që policia greke të vihet në alarm, duke u vënë në ndjekje të automjetit deri në aksin rrugor Asproklis-Sajadhe. Në këtë moment drejtuesi i mjetit e ka braktisur makinën e tij dhe është futur në tokën shqiptare.
Gjatë kontrollit të ushtruar më pas në automjet është gjetur dhe sasia e drogës që po transportohej, ku është bërë dhe sekuestrimi i saj.
Menjëherë policia greke ka vënë në dijeni autoritetet e policisë shqiptare lidhur me këtë rast, për të vazhduar ndjekjen e poseduesit të drogës në arrati. /Telegrafi/
