Katalonia përgatit referendum për pavarësi
Rajoni i Katalonisë ka paralajmëruar mbajtjen e referendumit për pavarësi nga Spanja, duke injoruar kundërshtimin e qeverisë qendrore në Madrid në lidhje me votimin, njofton agjencia e lajmeve DPA.Kryeministri katalonas, Artur Mas, tha të mërkurën se nëse partia nacionaliste CiU fiton në zgjedhjet e 25 nëntorit në rajon, katalonasit do të votojnë pastaj për “vetevendosje” gjatë legjislaturës së ardhshme.
“Nëse qeveria spanjolle e kthen shpinën dhe nuk autorizon ndonjë lloj referendumi apo votimi, ajo duhet bërë disi”, ka thënë Mas në parlamentin rajonal.
“Katalonia duhet që të rrisë marrjen e vendimeve sovrane pavarësisht nëse mund të arrijë marrëveshje ose jo me Spanjën. Është evoluim natyral i një kombi që të ketë një shtet”, ka thënë Mas.
“Varësia jonë në shtetin spanjoll ia ka prerë krahët ekonomisë dhe përparimit social”, ka thënë Mass duke shpallur zgjedhjet e parakohshme më 25 nëntor për të promovuar kërkesën katalonalse për vetëvendosje. /Telegrafi/
