Kërkojnë nga Kuvendi hetimin e KEK-ut
Grupi i qytetarëve protestues, përmes një letre të hapur, i janë drejtuar kryetarit të Kuvendit të Kosovës dhe grupeve parlamentareve me kërkesën për formimin e një komisioni ad hoc për hetimin e aktiviteteve të Korporatës Energjetike të Kosovës lidhur me faturimin e energjisë elektrike për qytetarët e Kosovës gjatë muajve qershor 2012 deri në shkurt 2013.Yll Rugova, në emër Grupit Protestues të Qytetarëve, ka thënë se kjo kërkesë vjen pas skandaleve që dolën gjithandej nëpër Kosovë, ku qytetarëve gjatë muajit janar të këtij viti faturat u erdhën me shuma të borxheve të pakuptimta dhe tejet të larta, transmeton Koha.net.
Ai theksoi se ata do të vazhdojnë nxitjen e vullnetarizmit për organizimin e protestave dhe formave të tjera për ushtrimin e presionit qytetar. /Telegrafi/
