Kerry e Lavrov diskutojnë krizat në botë

8:52 / 18.02.2013

Sekretari amerikan i shtetit, John Kerry dhe homologu i tij rus, Sergei Lavrov kanë diskutuar krizën në Siri dhe në Korenë Veriore.

Departamenti Amerikan i Shtetit, tha se të dy kryediplomatët kanë folur me telefon për 30 minuta.

Lidhur me Sirinë, Washingtoni dhe Moska kanë mendime të ndryshme, derisa Rusia mbështet presidentin Bashar al-Assad dhe Washingtoni kërkon dorëheqjen e menjëhershme të tij, transmeton Rel.

Një panel i OKB-së do ta lëshojë të hënën një raport mbi situatën më të re të të drejtave të njeriut në Siri.

Pak ditë më parë, Kerry tha se shifra e të vdekurve nga konflikti atje, mund të jetë 90 mijë persona.

Mbi Korenë e Veriut, të dy diplomatët janë pajtuar se duhet një bashkëpunim më i afërt për të dhënë “një përgjigje të shpejtë” pas provës së tretë bërthamore të Phenianit, me të cilën shkeli rezolutat e OKB-së. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.