Këshilli i Sigurimit i OKB-së është njw fyerje e madhe për të gjithë!
Presidenti i Iranit Mahmoud Ahmadinejad, ka akuzuar të mërkurën Perëndimin për “kanosjen” bërthamore në një fjalim të mbajtur në Asamblenë e Përgjithshme të OKB-së, e cila u bojkotua nga Shtetet e Bashkuara dhe Izraeli.Ai tha se Shtetet e Bashkuara dhe Izraeli shfrytëzojnë kërcënimet për programet bërthamore për të frikësuar kombet tjera, ndërkohë që sipas tij, vetes ia lejojnë këtë të drejtë.
Presidenti i Iranit lëshoi kritika të ashpra edhe kundër Këshillit të Sigurimit të Kombeve të Bashkuara, duke thënë se ai është nën dominimin e disa qeverive. Ai tha se diskutimini në organizatën botërore është një fyerje e madhe për të gjithë.
Ahmadinejad tha gjithashtu se e drejta e vetos nga disa vende dhe ajo që ai e quajti “monopolizim” i pushtetit e kanë bërë të pamundur për Këshillin e Sigurimit të mbrojë të drejtën e vendeve.
Irani është nën sanksionet e OKB-së për programin e tij të debatueshëm bërthamor. Fuqitë botërore dyshojnë se Irani po kërkon të prodhojë armën bërthamore por Teherani zyrtar thotë se synimet e tij janë paqësore.
Presidenti amerikan, Barack Obama, një ditë më parë tha se koha nuk është e pakufizuar në lidhje me zgjidhjen e krizës së programit bërthamor të Iranit përmes diplomacisë. Ai tha se Shtetet e Bashkuara respektojnë të drejtën e kombeve për të pasur qasje në energjinë bërthamore për qëllime paqësore, por, një Iran i pajisur me armë bërthamroe, sipas tij, do të kërcënonte eliminimin e Izraelit, sigurinë e shteteve të Gjirit dhe stabilitetin e ekonomisë globale. /Telegrafi/
