Kina nis anijet në ishujt kontestues me Japoninë
Mediat shtetërore kineze njoftojnë se dy anije qeveritare patrulluese janë dërguar në ishujt e kontestuar me Japoninë. “Anijet kanë arritur ujërat në afërsi të ishujve për të mbrojtur sovranitetin e vendit”, shkruan agjencia “Xinhua” në edicionin e saj online.Lëvizja vjen pak ditë pasi Japonia konfirmoi planet e saj për të blerë ishujt, të njohur si Senkaku nga Tokioja dhe Diaoju nga Pekini.
Tensionet në muajt e fundit kanë qenë të lartë mes dy vendeve në lidhje me ishujt që ndodhen në detin e Kinës lindore.
Japonia kontrollon ishujt e pabanuar por të pasur me burime natyrore, të cilët pretendohen gjithashtu nga Tajvani.
Ndërkohë, kabineti qeveritar japonez ka vendosur të lëvrojë fonde rezervë për blerjen e tyre, bëjnë të ditur mediat japoneze.
Kontrata për blerjen e ishujve nga familja Kurihara parashikohet të nënshkruhet gjatë ditës së martë, kanë njoftuar mediat niponike.
Ditën e dhënë, zëdhënësi i qeverisë së Tokios deklaroi se Japonia do të blejë ishujt për të promovuar menaxhimin e qëndrueshëm dhe paqësor të tyre.
Por Kina nga ana e saj ka reaguar duke e cilësuar planin si ilegal dhe paralajmëroi se zbatimi i tij do të prekë marrëdhëniet dypalëshe. /Telegrafi/
