Kisha serbe e pëlqen platformën për Kosovën

14:21 / 30.12.2012

Patriarku Irinej i Kishës Ortodokse Serbe ka thënë se Platforma e Serbisë për Kosovën është mënyra më e mirë për zgjidhjen e “këtij problemi”.

Duke folur për mediat serbe, ai ka mbështetur dialogun e kryeministrit të Serbisë, Ivica Dacic, me kryeministrin e Kosovës, Hashim Thaçi, duke thënë se “të gjitha problemet duhet të zgjidhen me bisedime”, transmeton Rel.

Irinej po ashtu ka thënë se politika e Serbisë “edhe Evropa, edhe Kosova” nuk është e pamundur, por ka paralajmëruar se nëse “dikush nga Serbia do që të heqë dorë nga Kosova për të qenë pjesë e bashkësisë evropiane, ai do të ishte një çmim tejet i lartë që nuk mund të paguhet”.

Platforma e e Beogradit për Kosovën, pos tjerash, parasheh një lloj autonomie për komunat me shumicë serbe në veri.

Dokumenti është kundërshtuar fuqishëm nga autoritetet në Prishtinë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.