Koalicioni, “ikje” nga realiteti

8:39 / 26.12.2012

Koalicioni i mundshëm qeverisës në mes të Partisë Demokratike të Kosovës (PDK) dhe Aleancës për Ardhmërinë e Kosovës (AAK), dhe takimet “sekrete” të herëpashershme të liderëve të këtyre dy partive, janë të orkestruara nga Qeveria e Kosovës madje me qëllimin e vetëm – tërheqjen e vëmendjes nga problemet madhore.

Të paktën kështu e përshkruajnë analistët politikë sjelljen e partive të dala nga lufta prej momentit që në Kosovë ka arritur lideri i Aleancës, Ramush Haradinaj, i shpallur i pafajshëm nga Tribunali i Hagës, shkruan “Zëri”.

Në kohën kur “top-temë” e medieve është bashkëqeverisja e mundshme, Kosova është duke kaluar nëpër procese shumë të rëndësishme, ndërsa skandalet e njëpasnjëshme s’kanë të ndalur.

Skandali i pasaportave, skandali i përgjimeve telefonike, bisedimet me Serbinë nga të cilat veriu mund të “përfitojë” status special, arratisja e ish-kryetarit të Komunës së Kaçanikut, Xhabir Zharku, për të mos e vuajtur dënimin, ikja po ashtu e të dënuarve nga gjykimi “Bllaca 2”, Shpresim Uka, Driton Hajdari dhe Bekim Syla, janë vetëm disa nga temat aktuale të cilat pothuajse kanë mbetur nën hijen e koalicionit. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.