Kollçaku rikthehet në grevë
Ish-të përndjekurit politikë kanë hyrë sot në ditën e 30-të të grevës së urisë, pavarësisht vendimit të Gjykatës së Tiranës, e cila ka urdhëruar ndërprerjen e grevës. Ata nuk pranojnë të lëvizin nga tendat e grevës, ndërsa pretendojnë se greva po zhvillohet në kushte terrori. Gjendja e tyre shëndetësore sa vjen e rëndohet,ndërkohë që dje ata kanë deklaruar se iu janë hequr ilaçet dhe lëngjet, problem ky i denoncuar edhe nga Avokati i Popullit Igli Totozani.
Mësohet se sot në mëngjes është rikthyer pranë ambienteve të grevës ish-i dënuari Agim Kollçaku, i cili mbrëmë u dërgua me urgjencë në Qendrën Spitalore ‘Nënë Tereza’, pas përkeqësimit të gjendjes shëndetësore, transmeton BW.
Sot, ai është kthyer sërish me autoambulancë para ambienteve të grevës dhe qëndron aty pasi nuk lejohet nga policia të bashkohet me shokët. /Telegrafi/
