Kolona të gjata në Merdar
Pritjet e gjata të bashkatdhetarëve tanë për të hyrë në Republikën e Kosovës kanë vazhduar edhe sot në vendkalimin kufitar në Merdar. Shumë me keq duket të jetë edhe për ata të cilët provojnë që nga Hungaria të futen në territorin e Serbisë. Nga atje raportohet se shqiptarët po presin në kolona me orë të tëra.Në Merdar, kolona e automjeteve të cilat janë duke pritur për të hyrë në Kosovë vazhdon të jetë e gjatë.
Zëdhënësit të Policisë së Kosovës, Baki Kelani, fajin për këto kolona e ka kaluar te autoritetet serbe.
“Nga Serbia për në të hyrje të Republikës së Kosovës koha e pritjes është dy deri në tre orë për shkak të numrit të madh të qytetarëve që janë duke ardhur për festat e fundvitit”, ka thënë ai duke shtuar se Policia e Kosovës ka shtuar kapacitetet e veta policore për të përshpejtuar dhe mundësuar kalimin me të shpejtë të qytetarëve dhe për t’iu shmangur pritjeve të gjata në kufij.
Në vendkalimin te Dheu i Bardhë pritjet në dalje të Republikës së Kosovës janë të shkurtra dhe zgjasin përafërsisht 10 minuta ndërkohë që në hyrje të Kosovës qytetarët presin deri në një orë. /Telegrafi/
