Komandanti iu jep dhuratat e Krishtlindjes ushtarëve zviceran në Kosovë

23:02 / 27.12.2012

Komandanti i Forcave të Armatosura të Zvicrës, gjenerali André Blattmann ka qëndruar për dy ditë në Kosovë për të vizituar ushtarët e vendit të tij që shërbejnë në Swisscoy, në kuadër të KFOR-it. Me këtë rast ai u ka ndarë personalisht dhuratat e krishtlindjeve 215 ushtarëve të rinj.

“Falë juve njerëzit këtu mund t`i festojnë në paqe e qetësi kërshëndellat”, ka thënë Blattmann, duke lavdëruar angazhimin e tyre në Kosovë. Ushtarët kanë marrë si dhuratë nga komandanti i tyre nga një brisk xhepi dhe nga një çokollatë.

Në një intervistë të zgjeruar që ka dhënë për gazetën “Die Nordostschëeiz”, Blattmann ka shfaqur nevojën që trupat e Zvicrës të vazhdojnë misionin e tyre në Kosovë edhe pas përfundimit të afatit që ka caktuar parlamenti zviceran, i cili përfundon në fund të vitit 2014.

“Ne të gjithë kemi interes që të mos kemi një valë të re refugjatësh nga Kosova në Zvicër. Ajo që ndodh në Kosovë ka ndikim të drejtpërdrejtë në Zvicër”, ka thënë Blattmann. Ai po ashtu ka theksuar se gjendja në Kosovë është kryesisht e qetë por e ndjeshme. “Mjafton një shkëndijë për të shpërthyer”, ka thënë ai, transmeton Albinfo.

Largimi i forcave ndërkombëtare do të thotë plasje e sërishme e konflikteve. Janë disa regjione, sidomos veriu i Kosovës, ku gjendja është vazhdimisht e tensionuar, ka shtuar njeriu numër një i ushtrisë së Zvicrës.

Blattmann ka qëndruar dy ditë në Kosovë ndërsa rrugës së kthimit ai ka ndaluar edhe në Sarajevë, për të vizituar 26 ushtarët zviceranë të stacionuar atje. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.