Komisioni për AKI-në rrezikon të shuhet
Mosverifikimi i anëtarëve të Komisionit për Mbikëqyrje të Agjencisë Kosovare të Inteligjencës, po e çon këtë komision drejt një krize të thellë. As takimi urgjent i mbajtur të premten nuk i ka ulur tensionet që ekzistojnë mes deputetëve të këtij komisioni.Disa nga deputetët kanë propozuar edhe shuarjen e këtij organi pasi, sipas tyre, nuk po arrin ta kryejë mandatin e plotë të marrë nga Kuvendi. Këto polemika mes anëtarëve janë shfaqur pas debatit të së enjtes në Kuvend, shkruan "Tribuna".
Deklarata e kryeparlamentarit se AKI-ja nuk është e konsoliduar për të bërë verifikimin e deputetëve, por edhe deklarata kundërthënëse e kryetarit të komisionit Florin Krasniqi, ka irrituar anëtarët e komisionit të cilët kërkuan përgjegjësi nga ky i fundit. /Telegrafi/
