Kommersant: Kosova dhe Rusia - me korrupsion të lartë dhe zhvillim të lartë!

21:42 / 17.01.2013

Gazeta ruse “Kommersant” ka publikuar hartën e saj të korrupsionit botëror, në bazë të dhënave të Transparency International për nivelin e korrupsionit dhe të dhënat e Fondit Monetar Ndërkombëtar mbi nivelin e prodhimit të brendshëm bruto

Sipas kësaj harte, korrupsioni i lartë nuk do të thotë gjithmonë rritje e ulët. Si shembull ajo përmend Rusinë dhe Kosovën, të cilën ditorja e cekë si entitet të veçantë shtetëror. Edhe Rusia e edhe Kosova janë renditur shumë keq në vlerësimin e shtrirjes së korrupsionit. Megjithatë, ngritja e PBB-së në Kosovë më 2012 ishte në 3,76 për qind dhe 3,70 për qind në Rusi.

Përveç Rusisë, nivelin e lartë të korrupsionit e ka Bjellorusia, Ukraina dhe Kazakistan, ndërsa theksohet se po ashtu Iraku, ka ngritje të PBB-së me 10,17 për qind.

Me përjashtim të Kosovës, të gjitha vendet e tjera të rajonit nuk kanë kombinimin e tillë paradoksal: Republika Çeke, Hungaria, Rumania, Italia, Kroacia, Bosnja dhe Hercegovina, Serbia, Bullgaria, Shqipëria, Maqedonia, Greqia, Mali i Zi, Malta, kanë korrupsion të lartë dhe ngritje të ultë ose rënie të produktit të brendshëm bruto.

Britania dhe Holanda, megjithatë janë në mesin e shteteve të rralla që kanë nivele shumë të ulëta të korrupsionit, ndërsa produkti i brendshëm bruto ka rënë edhe tek ata. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.